Salloni është hapësira ku kalojmë pjesën më të madhe të kohës me familjen, miqtë ose thjesht për t’u çlodhur. Për këtë arsye, trendet aktuale të dizajnit po largohen nga ambientet shumë të ftohta dhe sterile, duke shkuar drejt salloneve më të ngrohta, më të buta dhe më personale.

Ngjyrat neutrale vazhdojnë të jenë baza kryesore, por tani ato kombinohen me tone më të pasura dhe natyrale. Bezhë, kafe e ngrohtë, terrakotë, jeshile ulliri, gri e butë dhe nuanca kremi krijojnë një atmosferë të rehatshme dhe elegante. Këto ngjyra funksionojnë shumë mirë me dysheme druri, pllaka me efekt guri dhe mobilje me forma organike.

Tekstura është një nga elementet më të rëndësishme në sallonin modern. Divanët me pëlhura të buta, tapetet me thurje natyrale, perdet e lehta, tavolinat me sipërfaqe guri dhe aksesorët keramike e bëjnë ambientin më të plotë dhe më interesant. Edhe format e mobiljeve po bëhen më të rrumbullakosura dhe më të buta, duke sjellë një ndjesi më të qetë dhe më mikpritëse.

Ndriçimi nuk duhet të lihet në fund. Një sallon i kuruar ka më shumë se një burim drite: ndriçim kryesor, abazhurë, drita indirekte dhe ndriçim dekorativ. Kjo e bën ambientin më fleksibël dhe më të ngrohtë gjatë mbrëmjes. Një living room i suksesshëm nuk është vetëm i bukur për fotografi, por edhe i rehatshëm për jetën e përditshme.